ഏതു പാതിരാത്രിയിലും നിങ്ങള്‍ക്ക്‌ ആശ്രയിക്കാന്‍ ഇനി ഇവരുണ്ട്‌. വനിതകളുടെ പ്രശ്‌നം പരിഹരിക്കാന്‍ വേണ്ടി സര്‍ക്കാര്‍ രൂപീകരിച്ച വനിതാ ഹെല്‍പ്പ്‌ലൈന്‍ 2009 മേയ് ഒന്നിനാണ്‌ നിലവില്‍ വന്നത്‌.
24 മണിക്കൂറും പ്രവര്‍ത്തിക്കുന്ന ഹെല്‍പ്പ്‌ലൈന്‍ വനിതകളുടെ ഏതാവശ്യത്തിനും എപ്പോള്‍ വേണമെങ്കിലും സഹായഹസ്‌തവുമായി എത്തും. കേരളത്തിലെ ഓരോ ജില്ലയിലും വനിതാ ഹെല്‍പ്പ്‌ലൈന്‍ ഉണ്ട്‌. തിരുവനന്തപുരം ജില്ലയില്‍ രണ്ടിടത്ത്‌ ഹെല്‍പ്പ്‌ലൈന്‍ പ്രവര്‍ത്തിക്കുന്നുണ്ട്‌. കന്റോണ്‍മെന്റ് പൊലീസ്‌ സ്‌റ്റേഷനിലും കഴക്കൂട്ടം കണ്‍ട്രോള്‍ റൂമിലുമാണ്‌ വനിതാ ഹെല്‍പ്പ്‌ ലൈന്‍ പ്രവര്‍ത്തിക്കുന്നത്‌.
ക്രൈം ഡിറ്റാച്ച്‌മെന്‍റ്‌ അസിസ്‌റ്റന്‍റ്‌ കമ്മിഷണറാണ്‌ ഹെല്‍പ്പ്‌ലൈനിന്‍െറ തലപ്പത്ത്‌.
പതിനായിരത്തില്‍ പരം കേസുകളില്‍ സഹായിക്കാന്‍ വനിതാ ഹെല്‍പ്പ്‌ലൈനിന്‌ ഇതു വരെ സാധിച്ചിട്ടുണ്ട്‌. തങ്ങള്‍ക്ക്‌ ഓടിയെത്താനാകുന്ന പരിധിയിലാണെങ്കില്‍ അവര്‍ അപ്പോള്‍ തന്നെ എത്താറുണ്ട്‌. അല്ലെങ്കില്‍ അടുത്തുളള പൊലീസ്‌ സ്‌റ്റേഷനില്‍ വിളിച്ച്‌ സഹായമെത്തിക്കാന്‍ ഏര്‍പ്പാടാക്കും.
No comments:
Post a Comment