ഒരു സുഹൃത്ത് പുകവലിക്കാന്‍ പ്രേരിപ്പിക്കുകയാണെങ്കില്‍, അത് സ്വീകരിക്കണോ വേണ്ടയോ എന്ന് തീരുമാനിക്കുന്നത് നിങ്ങളുടെ തലച്ചോറാണ്. സാഹചര്യങ്ങളാണ് ശീലങ്ങളുണ്ടാക്കുന്നതെന്ന് ഓള്‍ ഇന്ത്യ ഇന്‍സ്റ്റിട്ട്യൂട്ട് ഒഫ് മെഡിക്കല്‍ സയന്‍സിലെ സൈക്യാട്രി പ്രൊഫസര്‍ ഡോക്ടര്‍ എസ് കെ ഖണ്ടല്‍വാല്‍ പറയുന്നു.
നിരന്തരം പുകവലിക്കുന്നതിനു കാരണം അതിനു പ്രേരിപ്പിക്കുന്ന ഒരു രാസവസ്തുവാണെങ്കില്‍ സാഹചര്യങ്ങളുടെ സമ്മര്‍ദ്ദമാണ് വല്ലപ്പോഴും വലിക്കുന്നവരെസ്വാധീനിക്കുക. ന്യൂഡല്‍ഹിയിലെ മാക്‌സ് ഹെല്‍ത്ത്‌കെയറിലെ സൈക്യാട്രിസ്റ്റും മെന്‍റല്‍ ഹെല്‍ത്ത് ആന്‍ഡ് ബിഹേവിയര്‍ സയന്‍സ് ചീഫുമായ ഡോക്ടര്‍ സമീര്‍ പരിഖ് അഭിപ്രായപ്പെടുന്നു. ഒരു പുക എടുത്ത് പത്ത് മിനിറ്റിനു ശേഷം തലച്ചോറില്‍ ഡൊപാമൈന്‍ ഉത്പാദിപ്പിക്കപ്പെടുകയും ആ രാസവസ്തു സന്തോഷവും സമാധാനവും പ്രദാനം ചെയ്യുകയും ചെയ്യുന്നു. എന്നാലും പുക വിഷമാണ്.
ഒരു സിഗരറ്റിന്‍െറ ഉപയോഗം പോലും രക്തധമനികളില്‍ ക്ഷതമുണ്ടാക്കും. ഈ ക്ഷതം ഹൃദ്‌രോഗം ഉണ്ടാക്കുകയും രക്തം കട്ട പിടിപ്പിക്കുകയും ചെയ്യും. നിക്കോട്ടിന്‍ മിഠായി ചവച്ച് ഈ ശീലത്തില്‍ നിന്ന് മോചനം നേടാം.
ടെലിവിഷന്‍ കാണുന്നതിനിടയില്‍ കൊറിക്കുന്നത് ഒരു നല്ല ശീലമല്ല. ഇത് മാനസികസമ്മര്‍ദ്ദമുണ്ടാക്കുകയും സുഹൃദ്‌വലയത്തില്‍ നിന്ന് ഒറ്റപ്പെടുത്തുകയും ചെയ്യുന്നു.
ടെലിവിഷന്‍ കാണുന്നവരില്‍ 71 ശതമാനം പേരും കൂടുതല്‍ ആഹാരം കഴിക്കുന്നു. 19 മണിക്കൂര്‍ ഒരാഴ്ച ടിവി കാണുന്ന 97 ശതമാനം പേര്‍ക്കും ഭാരം വര്‍ദ്ധിക്കുന്നതായി ഒരു ബല്‍ജിയന്‍ പഠനം വെളിവാക്കുന്നു.
കാപ്പിയും അടിമത്തമുണ്ടാക്കും. സ്ഥിരമായി കാപ്പി ഉപയോഗിക്കുന്നവര്‍ക്ക് അത് കിട്ടാതായാല്‍ ക്ഷീണവും തലവേദനയുമുണ്ടാകും. 2007ലെ ഒരു പഠനത്തില്‍ തെളിഞ്ഞത് 400 മില്ലിഗ്രാം കാപ്പിയുടെ നിത്യോപയോഗം 35 ശതമാനം ഇന്‍സുലിന്‍ കുറയ്ക്കുകയും പ്രമേഹ സാധ്യത വര്‍ദ്ധിപ്പിക്കുകയും ചെയ്യുന്നു. കാപ്പിയുടെ അളവ് ക്രമേണ കുറച്ച് ഈ ദുശ്ശീലത്തില്‍ നിന്ന് രക്ഷ നേടാം.
ഐപോഡില്‍ ഉയര്‍ന്ന സ്വരത്തില്‍ പാട്ടു കേള്‍ക്കുന്നതും ദുശീലമാണ്. ഇത് കേള്‍വിക്ക് തകരാറുണ്ടാക്കും. മറ്റുളളവര്‍ സംസാരിക്കുമ്പോള്‍ കേള്‍ക്കാവുന്ന പാകത്തില്‍ പാട്ടു വയ്ക്കണം. ഡ്രൈവിംഗിനിടയില്‍ മൊബൈല്‍ ഫോണ്‍ ഉപയോഗിക്കുന്നത് അപകടകരമായ ഒരു ദുശീലമാണ്. ഫോണ്‍ സ്വിച്ച് ഓഫ് ആക്കിയോ സൈലന്‍റാക്കിയോ ശീലമുണ്ടാക്കി ഈ ദുശീലത്തെ ഒഴിവാക്കാം
No comments:
Post a Comment