നാട്ടിന്‍പുറത്തെ കലുങ്കിലിരുന്ന്‌ എനിക്ക്‌ ഒരു ബീഡി ആഞ്ഞു വലിക്കണം.`
ഒരു കാലത്ത്‌ വാര്‍ത്തകളില്‍ നിറഞ്ഞു നിന്നിരുന്ന ഒരു ഫെമിനിസ്‌റ്റ്‌ പറഞ്ഞ വരികളാണിവ. അന്ന്‌ ഈ വാക്കുകള്‍ കേട്ട്‌ കേരളം സ്‌തംഭിച്ചു.
എന്നാലിപ്പോള്‍ കാലം മാറി. പബ്ബുകളിലും ബാറുകളിലെ ഇരുണ്ട വെളിച്ചത്തിലും സ്‌ത്രീത്വം ആഘോഷിക്കപ്പെടുകയാണ്‌. വിരുന്നു സല്‍ക്കാരങ്ങളില്‍ മദ്യം ഇന്ന്‌ ഒഴിച്ചു കൂടാനാകാത്ത ഘടകമാണ്‌. ബിയറിന്‍െറ ശീതളിമയില്‍ നിന്ന്‌ ഹോട്ടിന്‍െറ ലഹരിയിലേക്ക്‌ സ്‌ത്രീത്വം പതുക്കെ കയറി. 50 % സ്‌ത്രീകളും ഇപ്പോള്‍ മദ്യത്തിന്‌ അടിമപ്പെട്ടവരാണെന്ന്‌ കണക്കുകള്‍ സൂചിപ്പിക്കുന്നു.
പത്ത്‌ വര്‍ഷങ്ങള്‍ക്കു മുമ്പ്‌ കംപള്‍സീവ്‌ കണ്‍ഫസര്‍ പോലൊരു ബ്ലോ‌ഗിനെക്കുറിച്ച്‌ നമുക്ക്‌ ചിന്തിക്കാന്‍ കഴിയുമോ? പ്രണയത്തിന്‍െറയും രതിയുടെയും ആര്‍ദ്രഭാവങ്ങള്‍ വരച്ചു കാട്ടിയ മാധവിക്കുട്ടിയെ കുറ്റവാളിയായി കണ്ട നാട്‌ കാലം മാറിയപ്പോള്‍ ലൈംഗികതയുടെ അതിപ്രസരം നിറഞ്ഞുനിന്ന കംപള്‍സീവ്‌ കണ്‍ഫസര്‍ എന്ന മീനാക്ഷി റെഡ്‌ധി മാധവന്‍െറ ബ്ലോഗിനെ ആരാധനയോടെയാണ്‌ സമൂഹം കണ്ടത്‌. ധീരമായ പെണ്ണെഴുത്തെന്നും തുറന്നെഴുത്തെന്നും പറഞ്ഞ്‌ വിമര്‍ശകര്‍ പോലും അവരെ അംഗീകരിച്ചു.
കുപ്പിവളകളും കുടമുല്ലപ്പൂവിന്‍െറ സുഗന്ധവും സ്‌ത്രീസങ്കല്‍പ്പങ്ങളില്‍നിന്ന്‌ മാഞ്ഞുതുടങ്ങിയിരിക്കുന്നു. ഉയര്‍ന്ന വിദ്യാഭ്യാസം കരസ്ഥമാക്കി പല പെണ്‍കുട്ടികളും ഐടി മേഖലയില്‍ ജോലി തേടുന്നു. ഹൈടെക്‌ ജീവിതത്തിന്‍െറ ഭാഗമായി ആണ്‍സുഹൃത്തുക്കളുമായി ചാറ്റിലൂടെ സല്ലപിക്കുമ്പോള്‍ ആര്‍ യു എ വിര്‍ജിന്‍ എന്ന ചോദ്യത്തിന്‌ അല്ലെങ്കില്‍.... എന്ന്‌ തിരിച്ചു ചോദിക്കാന്‍ ഇന്നത്തെ പെണ്‍കുട്ടികള്‍ ധൈര്യപ്പെടുന്നു.
ആണ്‍പെണ്‍ സൗഹൃങ്ങളുടെയും പ്രണയത്തിന്‍െറയും അതിര്‍വരമ്പുകള്‍ക്ക്‌ ഇപ്പോള്‍ ഒരുപാട്‌ മാറ്റം സംഭവിച്ചിരിക്കുന്നു. അവയൊക്കെ ഇപ്പോള്‍ വെറും ശാരീരികാവശ്യങ്ങളില്‍ മാത്രം ഒതുങ്ങി നില്‍ക്കുന്നു.
ജീവിതം ആഘോഷിക്കുമ്പോള്‍ മൊബൈലുകളിലും ഇന്‍റര്‍നെറ്റിലും ഒരു അശ്‌ളീല ചിത്രമായി ഒടുവില്‍ ഒരു തുണ്ട്‌ കയറിലോ ഒരിറ്റു വിഷത്തിലോ ജീവിതം അവസാനിപ്പിച്ച്‌ സ്‌ത്രീത്വം ഒരു ചോദ്യച്ചിഹ്‌നമാകാതിരിക്കട്ടെ....
No comments:
Post a Comment